मुंबई – महाराष्ट्रात कोरोना विषाणूची वाढती लागण रोखण्यासाठी राज्य सरकारने शनिवार व रविवार संपूर्ण लॉकडाऊन जाहीर केले असून त्याअंतर्गत शुक्रवारी रात्री ८ वाजेपासून सोमवारी सकाळी ८ वाजेपर्यंत हा निर्बंध लागू होईल. मात्र या काळात आवश्यक सेवांना सूट दिली जाईल. त्याचवेळी आरोग्यमंत्री राजेश टोपे यांनी सांगितले की, कठोर बंदी असताना, बँकिंग आणि विमा क्षेत्राची कार्यालये वगळता खासगी कार्यालये सोमवारी रात्रीपासून बंद ठेवण्यात येऊन ‘वर्क फॉर्म होम ‘ ला प्राधान्य देण्यात येतील.
या संदर्भात माहिती देताना टोपे म्हणाले की, खासगी कार्यालयांतील कर्मचार्‍यांना घरून काम करण्याची मुभा दिली जाईल. सरकारी कार्यालये त्यांच्या क्षमतेच्या ५० टक्के काम करतील आणि संबंधित आवश्यक सेवांचे कर्मचारी सोडले तर उर्वरित कर्मचारी घरूनच काम करतील. दरम्यान, कोविड -१९ प्रकरणांमध्ये मोठ्या प्रमाणात वाढ रोखण्यासाठी राज्य सरकारने शुक्रवारी रात्री ८ ते सोमवारी सकाळी ७ या वेळेत राज्यात शनिवार व रविवार लॉकडाउनची घोषणा केली.
शनिवार व रविवार संपूर्ण लॉकडाऊन व्यतिरिक्त, सोमवारी रात्री ८ वाजेपासून शुक्रवारपर्यंत कडक निर्बंध लागू केले जातील, ज्या अंतर्गत शॉपिंग मॉल्स, बार, रेस्टॉरंट्स, छोटी दुकाने फक्त पार्सलसाठी खुली असतील. तसेच राज्यातील सलून आणि ब्युटी पार्लरही बंद असतील. मुख्यमंत्री उद्धव ठाकरे यांनी नवीन मार्गदर्शक नियमावली जाहीर केली आहे. नियमांचे उल्लंघन केल्याबद्दल दंड भरावा लागेल. सार्वजनिक वाहतुक निर्बंधासह चालविली जाईल. तसेच प्रवासी रिक्षा आणि टॅक्सी मर्यादित प्रवाशांसह धावतील,असेही टोपे म्हणाले.
