नवी दिल्ली – खाजगी अवकाश कंपनी स्पेस एक्सने, अमेरिकेतील टेक्सासच्या बोका चिकाहून चाचणी प्रक्षेपण केलेलं ‘स्पेस-एक्स स्टारशिप’ हे मानव विरहित रॉकेट काल सुरक्षितपणे उतरू शकलं नाही.कंपनीचे अभियंते अपयशाच्या कारणांचा शोध घेत आहेत. चंद्र आणि मंगळावरील भविष्यातील मोहिमेत मनुष्य आणि 100 टन माल वाहून नेण्यासाठी, हेवी-लिफ्ट रॉकेट बनविण्याच्या चाचणी मालिकेतील ,स्टारशिप हे एक रॉकेट असल्याचं, कंपनीने म्हटलं आहे. यामुळे मानवाचा अंतराळातील प्रवास अधिक परवडणारा आणि सहज होणार आहे. स्पेसशिप रॉकेट मधील लॉंच वेहिकल हे पूर्णपणे पुन्हा वापरण्यायोग्य असणार आहे. यापूर्वी स्टार्शिप्स एसएन 8 आणि एसएन 9 च्या चाचणी दरम्यान लँडिंग करताना स्फोट झाला होता.एसएन 10 ने गेल्या महिन्यात व्यवस्थित लँडिंग साध्य केलं होतं,मात्र लॅंडींग नंतर आठच मिनिटांत तेही भस्मसात झालं.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
