एलआयसीच्या भागभांडवल विक्री धोरणाला विरोध करण्याची मागणी
…….
नाशिक – आयुर्विमा महामंडळाचे भागभांडवल विक्रीला काढण्याच्या केंद्र सरकारच्या धोरणाला विरोध म्हणून खासदार भारती पवार यांना नाशिकच्या विमा कर्मचारी संघटना तर्फे निवेदन देण्यात आले. आॅल इंडिया इन्शुरन्स एम्प्लॉईज असोसिएशन तर्फे देशभरातील खासदारांना असे निवेदन दिले जात आहे.
खा. पवार यांना दिलेल्या निवेदनात म्हटले आहे की, एलआयसीचे आयपीअोव्दारे खासगीकरण करण्याचे धोरण केंद्र सरकारने जाहीर केले आहे. त्यामुळे देशाच्या अर्थव्यवस्थेला मोठा धोका निर्माण होण्याची शक्यता आहे. त्यामुळे विमाधारकांच्या हिताला बाधा पोहचेल. सदर धोरणाला विरोध करावा व एलआयसी सार्वजनिक क्षेत्रातील महामंडळ व देशाची अर्थव्यवस्था सुरक्षित राखावी असे नमुद केले आहे.
खा. पवार यांना निवेदन देतांना कॉ मोहन देशपांडे, सरचिटणीस, सुनील जोशी, उपाध्यक्ष अनिरुद्ध देशपांडे, सहचिटणीस योगेश कासार, सहचिटणीस महेश डांगे, सह खजिनदार प्रिया जोशी, सहचिटणीस अनघा यार्दी हे उपस्थित होते.
