नवी दिल्ली : भारतीय क्रिकेट टीमचा कप्तान विराट कोहली याने आपला एक फोटो ट्विटरवर पोस्ट केला आहे. या क्वारंटाईन काळात मी अनेक चांगल्या वेबसिरीज पाहून वेळ घालवल्याचे तो सांगतो. त्याचा हा फोटो पाहून नेटफ्लिक्सने यावर एक कॉमेंट दिली आहे. इस्त्रीशिवायचा टीशर्ट, मस्तपैकी आरामदायी सोफा आणि लॅपटॉपवर मस्त वेबसिरीज, अशी कॅप्शन विराटने या फोटोसोबत दिली आहे. हाच फोटो नेटफ्लिक्सने रिट्विट करून त्यावर मजेशीर कॉमेंट केली आहे. विराटसोबत फोटो घ्यायचे आमचे स्वप्न असे अनपेक्षितरित्या पूर्ण झाले. असे लिहिताना त्यांची इमोशनल इमोजी देखील टाकले आहेत. आयपीएल नंतर विराट कोहली सध्या ऑस्ट्रेलियात आहे. नुकताच त्याचा ३२ वा वाढदिवस साजरा झाला. त्याची पत्नी आणि अभिनेत्री अनुष्का शर्मा ही निर्माता म्हणून नेटफ्लिक्ससोबत जोडली गेली आहे. तिचा बुलबुल हा चित्रपट याचवर्षी नेटफ्लिक्सवर प्रदर्शित झाला.
