नवी दिल्ली – जुन्या ट्रॅक्टरमध्ये आता सीएनजी किट बसवता येणार आहे. होय…ही माहिती दिली आहे, केंद्रीय भूपृष्ठ वाहतूक मंत्री नितीन गडकरी यांनीच. सीएनजी ट्रॅक्टरचे लोकार्पण नितीन गडकरी यांच्या हस्ते शुक्रवारी झालं. या ट्रॅक्टरचा शेतकऱ्यांना मोठा लाभ होईल, असा विश्वास त्यांनी व्यक्त केला आहे. शेतकरी लवकरच जुन्या ट्रॅक्टरमध्ये सीएनजी किट बसवू शकतील. याबाबत लवकरच जाहीर केली जाईल, असं त्यांनी सांगितलं.
शेतीत ट्रॅक्टर वापरण्यासाठी तासाला सरासरी ४ लिटर डिझेल लागते. आणि त्याचा खर्च ७८ रुपये प्रतिलिटरनुसार ३१२ रुपये होते. सीएनजी ट्रॅक्टर चालवण्यासाठी ४ तासात १८० रुपये खर्च अपेक्षित आहे. शेतकऱ्यांना वर्षाला एक लाख रुपयांचा फायदा होऊ शकतो, असा अंदाज आहे.
