नवी दिल्ली – तुम्हाला ‘कोलावेरी डी’ हे गाणं आठवत असेलच. काही वर्षांपूर्वी सगळ्यांच्या ओठांवर हेच गाणं होत. हे गाणं गाणाऱ्या धनुषचेच आता आणखी एक गाणे आले आहे. त्यानेही आता असाच एक नवीन विक्रम केला आहे. त्याच्या ‘मारी २’ या चित्रपटातील ‘राऊडी बेबी’ हे गाणे युट्यूबवर तब्बल एक कोटी लोकांनी पहिले आहे. विशेष म्हणजे धनुषच्याच कोलावेरी डी गाण्याच्या नवव्या वर्धापनदिनी हा विक्रम झाला आहे. धनुष हा सुपरस्टार रजनीकांत यांचा जावई आहे.
आपला आनंद चाहत्यांसोबत शेअर करताना धनुषने ट्विट केले आहे. माझ्या आधीच्या गाण्याच्या वर्धापनदिनी नवीन गाण्याचा रेकॉर्ड होणे, ही आमच्यासाठी खूप गौरवाची गोष्ट आहे. एक कोटी लोकांनी पाहिलेले हे पहिले दाक्षिणात्य गाणे आहे. आम्ही सर्वांचे आभार मानतो, असेही त्याने ट्विटमध्ये मगतले आहे.
बालाजी मोहन यांनी दिग्दर्शित केलेला मारी २ हा चित्रपट २०१८ मध्ये रिलीज झाला. यात धनुष आणि साई पल्लवी यांच्या प्रमुख भूमिका आहेत. राऊडी बेबी हे गाणे देखील धनुषच्याच आवाजात आहे. तर त्याचे बोल धनुषनेच लिहिले आहेत.
