विजयवाडा – येथील हॉटेल स्वर्ण पॅलेसमधील कोरोना केअर सेंटरला रविवारी पहाटे ५ वाजता आग लागली. या दुर्घटनेत गुदमरुन १० रुग्णांचा मृत्यू झाला आहे. या घटनेच्या चौकशीचे आदेश आंध्र प्रदेश सरकारने दिले आहेत. दुर्घटनेवेळी सेंटरमध्ये ४० रुग्ण उपचार घेत होते. तर, वैद्यकीय कर्मचारी होते. शॉर्टसर्कीटमुळे आग लागल्याचे सांगितले जाते आङे. माहिती मिळताच अग्निशमन दल घटनास्थळी पोहचले. त्यांनी २२ जणांना सुरक्षित बाहेर काढले. दरम्यान, याठिकाणी अनेक नियमांचे पालन झाले नसल्याचे बोलले जात आहे. मृतांच्या कुटुंबियांना ५० लाख रुपये भरपाई देण्याची घोषणा मुख्यमंत्री कार्यालयाने केली आहे. तर, काही दिवसांपूर्वीच गुजरातमधील अहमदाबाद येथेही कोरोना सेंटरला लागलेल्या आगीत ८ रुग्णांना जीव गमवावा लागला आहे.
