नवी दिल्ली – कोरोनामुक्त झालेल्या रुग्णांनी सुटकेचा निश्वास टाकला असला तरी त्यांच्यासाठी मोठी बातमी आहे. कोरोनाचा प्रादुर्भाव १०० दिवसांपर्यंत राहत असल्याचे निदर्शनास आले आहे. कारण एकदा कोरोना बरा झाल्यावर नागरिक पुन्हा कोरोनामध्ये संक्रमित होत आहेत. देशात तीन नवीन प्रकरणेही समोर आली आहेत.
जगातील 210 पेक्षा जास्त देशातील नागरिक कोरोना विषाणूच्या संसर्गाशी लढा देत आहेत. संसर्गाची नवनवीन प्रकरणे वाढत असताना अनेक लोकही त्यातून बरे होत आहेत. भारतातही आधीच उपलब्ध आणि नवीन औषधांच्या माध्यमातून लोक वेगाने बरे होत आहेत. परंतु पुन्हा १०० दिवसांनी याची पुनरावृत्ती होत असल्याने चिंता वाढली आहे.
आयसीएमआर, इंडियन काउन्सिल ऑफ मेडिकल रिसर्चचे डायरेक्टर जनरल बलराम भार्गव म्हणाले की, पुन्हा संक्रमण होण्याची अंतिम मुदत 100 दिवस निश्चित केली गेली होती .तसेच देशात कोरोना विषाणूची पुन्हा पुन्हा घटनेची तीन प्रकरणे समोर आली आहेत.यातील दोन प्रकरणे मुंबई आणि अहमदाबादमध्ये उघडकीस आली आहेत. कोरोनामधून बरे झाल्यानंतर 100 दिवसानंतर पुन्हा संसर्ग होऊ शकतो.
वैद्यकीय संशोधकांना अभ्यासांमधून असेही समोर आले आहे की, एकदा संसर्ग झाल्यावर त्याचे विषाणू शरीरात चार महिने असतात. भार्गव म्हणाले की, पुनरावृत्तीचे प्रकरण हाँगकाँगमध्ये प्रथम नोंदविण्यात आले. ते म्हणाले की, जागतिक आरोग्य संघटनेच्या (डब्ल्यूएचओ) कडून आम्हाला काही डेटा मिळाला आहे, ज्यात जगभरात पुन्हा संक्रमण होण्याच्या सुमारे दोन डझन प्रकरणांची चर्चा आहे. दूरध्वनीद्वारे पुन्हा संसर्ग झालेल्या लोकांशी बोलून आणखी काही डेटा संकलित करण्याचा प्रयत्न केला जात आहे, असेही त्यांनी सांगितले.
