मुंबई – कॉमेडीयन भारती सिंह आणि तीचा पती हर्ष लिंबाचिया यांच्या घरात एनसीबीने छापा टाकला.या छाप्यात गांजा जप्त करण्यात आला आहे. त्यानंतर दोघांना एनसीबीच्या पथकाने चौकशीसाठी ताब्यात घेतले आहे. ड्रग पेड्रलच्या माहितीवरून एनसीबीच्या पथकाने मुंबईतील अंधेरी, लोखंडवाला आणि वर्सोवा या भागात छापे टाकले आहेत. या दरम्यान कॉमेडियन भारती सिंह हीच्या घरातून गांजा जप्त करण्यात आला असल्याची माहिती सूत्रांनी दिली आहे. दरम्यान, एनसीबीने चौकशीसाठी दोघांना ताब्यात घेतले असून पुढील तपास सुरु असल्याचे एनसीबीच्या अधिकाऱ्यांनी सांगितले आहे. सुशांत सिंह राजपूतच्या आत्महत्येनंतर नार्कोटिक्स कंट्रोल ब्युरोतर्फे ट्र्ग्ज विरोधी कारवाईसाठी छापे टाकले जात आहेत. त्यातच आता कॉमेडीयन भारती सिंहच्या घरी गांजा सापडल्याने बॉलिवूडमध्ये पुन्हा एकदा खळबळ माजली आहे.
