नाशिक – केंद्रीय विद्यालयाच्या नाशिकरोड येथील आयएसपी प्राथमिक शाळेतील शिक्षिका सौ. माधुरी विजय देवरे यांना औरंगाबादच्या शब्दगंध साहित्य प्रकाशन तर्फे क्रांतीज्योती सावित्रीबाई फुले आदर्श शिक्षिका राष्ट्रीय पुरस्काराने सन्मानित करण्यात आले आहे. हा सोहळा मौलाना अब्दुल आझाद संशोधन केंद्र सभागृह औरंगाबाद येथे संपन्न झाला होता.
सौ. देवरे यांची आतापर्यंत केलेल्या कामांची तसेच करोना काळातील केलेल्या कामांची दखल घेत त्यांना हा पुरस्कार देण्यात आलेला आहे.यात त्यांना शाल, सन्मानपत्र व सन्मानपदक देऊन गौरविण्यात आलेले आहे. यावेळी संघटनेचे अध्यक्ष संदीप त्रिभुवन,पदवीधर शिक्षक मतदारसंघाचे आमदार सतीश चव्हाण, सामाजिक कार्यकर्ते विक्रांत गायकवाड उपस्थित होते. यावेळी काही पुस्तकांचा प्रकाशन सोहळा ही झाला. त्यात सौ. माधुरी देवरे यांच्याही काही कवितांचा समावेश केलेला आहे. या पुरस्काराबद्दल सौ माधुरी देवरे यांचे केंद्रीय विद्यालयातील प्राचार्य बाळासाहेब लोंढे, उपप्राचार्य सौ. समता जांगडेकर, हेडमास्तर मनीष हवारगे व सर्व शिक्षकवृंद यांचेकडून अभिनंदन होत आहे.
