नाशिक – राष्ट्रीय शिक्षक दिनाच्या निमित्ताने नाशिक रोड येथील नेहरु नगर येथील केंद्रीय विद्यालय आयएसपी शाळेतील प्राथमिक शिक्षिका माधुरी विजय देवरे यांना मनुष्यबळ विकास लोकसेवा अकादमीतर्फे राज्यस्तरीय गुणवंत शिक्षक रत्न पुरस्कार मिळाला. हा पुरस्कार सोहळा ऑनलाइन पद्धतीने झाला. त्यांना सन्मानपत्र देऊन गौरविण्यात आले. त्यांनी आत्तापर्यंतच्या केलेल्या कार्याची ही पोचपावती आहे. मनुष्यबळ विकास लोकसेवा अकादमीचे अध्यक्ष कृष्णाजी जगदाळे यांच्याकडून हा पुरस्कार त्यांना प्रदान करण्यात आला. त्यामुळे शाळेत व सगळीकडे त्यांचे कौतुक होत आहे.
