नवी दिल्ली – केंद्रीय गृहमंत्री अमित शहा यांना कोरोनाची बाधा झाली आहे. त्याची अधिकृत माहिती शहा यांनी त्यांच्या ट्विटर हँडलवरुन दिली आहे. शहा यांनी ट्विटमध्ये म्हटले आहे की, प्राथमिक लक्षणे दिसत असल्याने कोरोनाची चाचणी केली. त्याचा अहवाल पॉझिटिव्ह आला आहे. माझी तब्ब्येत ठीक आहे. पण, डॉक्टरांच्या सल्ल्यानुसार मी हॉस्पिटलमध्ये दाखल झालो आहे. माझी विनंती आहे की, काही दिवसांपासून माझ्या संपर्कात आलेल्या व्यक्तींनी स्वतःला वेगळे ठेवावे आणि कोविडची चाचणी करुन घ्यावी.
राज्यपाल पुरोहितांनाही बाधा
तामिळनाडूचे राज्यपाल बनवारीलाल पुरोहित यांनाही कोरोनाची लागण झाली आहे. त्यांना कुठलेही लक्षणे नाहीत. त्यांची प्रकृती ठीक आहे. सौम्य लक्षणे आढळल्याने त्यांना घरातच वेगळे ठेवण्यात आले आहे. चेन्नईतीलच कावेरी हॉस्पिटलचे वैद्यकीय पथक त्यांच्या तब्ब्येतीची काळजी घेत आहे. तशी माहिती हॉस्पिटलने दिली आहे.
