पिंपळनेर, ता. साक्री – कृषी पदवीधर युवाशक्ती संघटनेच्या साक्री तालुका उपाध्यक्ष पदी यश सोनवणे यांची नियुक्ती झाली आहे. संघटनेचे संस्थापक अध्यक्ष जयदिप ननावरे यांच्या आदेशाने कार्याध्यक्ष प्रविण आजबे, संघटक श्रीकांत राजपुत, उत्तर महाराष्ट्र प्रदेशाध्यक्ष निखील पवार, उत्तर महाराष्ट्र युवती अध्यक्षा अस्मिता दुधारे व धुळे जिल्हाध्यक्ष पराग देसले यांच्या सर्वानुमते साक्री तालुकाध्यक्ष सौरभ पाटील यांनी नियुक्ती केली. जिल्ह्यातील शेतकरी बांधवांचे तसेच कृषी पदवीधर मित्र व कृषी शाखेच्या विद्यार्थ्यांचे जास्तीत जास्त प्रश्न सोडवण्यासाठी भर दिला जाईल, असे सोनवणे यांनी निवडीनंतर सांगितले. त्यांच्या निवडीचे पुष्कराज मोरे, जयेश पाटील आदींनी अभिनंदन केले.
