नाशिक : जुन्या भांडणाच्या कुरापतीतून एकावर कुर्‍हाडीने हल्ला करत जीवे ठार मारण्याचा प्रयत्न केल्याची घटना सोमवारी सायंकाळी शरणपुर परिसरातील मिशनमळा येथे घडली. आकाश कुर्णेकर (रा. मिशनमळा, शरणपुर) असे हल्ला करणार्‍या संशयिताचे नाव आहे. याप्रकरणी संदेश दिलीप कांबळे (रा. मिशन मळा) यांनी तक्रार दाखल केली आहे. त्यानुसार जुन्या भांडणाची कुरापत काढून कुर्णकर याने कांबळे यांचा भाऊ संकेत कांबळे याच्यावर अचानक पोटावर कुर्‍हाडीचे वार केले. तसेच हातावर व पाठीवर कुर्‍हाडे वार करून जीवे ठार मारण्याचा प्रयत्न केला. याप्रकरणी सरकारवाडा पोलीस ठाण्यात गुन्हा दाखल करण्यात आला आहे. अधिक तपास पोलीस उपनिरिक्षक पवार करत आहेत.
