नवी दिल्ली – भारतातील वाहन उत्पादक कंपन्यांनी ऑक्टोबरमधील विक्रीचे आकडे जाहीर केले आहेत. त्यामध्ये कोरोनानंतर पुन्हा एकदा वाहन बाजार पुन्हा रुळावर असल्याचे दिसते. मागील महिन्याच्या विक्रीच्या आकडेवारीची तुलना केल्यास ऑक्टोबरमध्ये एकूण कार विक्रीत विक्रमी 14 टक्के वाढ झाली आहे. विशेष म्हणजे कोरोना साथीच्या पार्श्वभूमीवर ऑटो उद्योगासाठी विक्रीची ही आकडेवारी खूपच आशादायक आहे.
गेल्या महिन्याच्या मोठ्या कंपन्यांच्या विक्रीची काही माहीती आता जाणून घेऊ याः
१ ) मारुती सुझुकी:
देशातील सर्वात मोठी वाहन निर्माता कंपनी मारुती सुझुकीने ऑक्टोबर महिन्यात 1.63 लाख वाहनांची विक्री केली, सन 2020 मध्ये कंपनीने सर्वाधिक वाहने विकली. गेल्या वर्षी याच महिन्यात मारुतीने 1,39,121 कारची विक्री केली होती. मागील वर्षीच्या तुलनेत कंपनीने कोरोना असूनही विक्रीत 18 टक्के वाढ नोंदविली. विशेष म्हणजे, मारुती सुझुकी भारतीय बाजारपेठेतील आपला वाटा स्थिर राखण्यास सक्षम ठरला आहे.
२ ) ह्युंदाईः
या कंपनीने ऑक्टोबर 2020 मध्ये 56,600 वाहनांची विक्री केली आहे. ऑक्टोबर 2019 च्या तुलनेत ते 13 टक्के जास्त आहेत. सप्टेंबर महिन्याच्या तुलनेत ह्युंदाईने विक्रीच्या आकडेवारीत 12 टक्के वाढ नोंदविली. या विक्री बरोबरच ह्युंदाई देशातील आपला बाजाराचा वाटा कायम राखण्यात मोठ्या प्रमाणात यशस्वी झाली आहे आणि देशातील सर्वाधिक वाहने विकणार्‍या कंपन्यांच्या यादीत ती दुसर्‍या स्थानावर आहे.
३ ) टाटा मोटर्स:
गेल्या काही वर्षांमध्ये टाटा मोटर्सच्या प्रवासी कार विभागाला भारतीय बाजारपेठेतील आकाराच्या बाबतीत तिसरे स्थान देण्यात आले आहे. त्याचबरोबर विक्रीच्या बाबतीतही टाटा या महिन्यात तिसर्‍या क्रमांकावर राहू शकला आहे. मागील वर्षांच्या तुलनेत भारतीय बाजारपेठेतील कंपनीच्या बाजाराचा वाटा 7.1 टक्के वाढला आहे. ऑक्टोबर महिन्यात एकूण 23,600 वाहने विकली गेली आहेत, जी मागील वर्षी ऑक्टोबरच्या तुलनेत 10 हजारपेक्षा जास्त आहेत.
