मुंबई – आज एकीसोबत तर उद्या दुसरीसोबत हा बॉलीवूडमधील नटांसाठी सवयीचा भाग झाला आहे. कालपर्यंत सारा अली खानसोबत रोमान्स करणाऱ्या कार्तिक आर्यनचे सध्या जान्हवीसोबत अफेयर असल्याची चर्चा सुरू आहे.
‘लव्ह आज कल’च्या सिक्वेलच्या वेळी कार्तिक आणि सारा यांच्यातील अफेयर जवळपास जगजाहीर होतं. आता मात्र कार्तिक आर्यन आणि श्रीदेवीची कन्या जान्हवी कपूर दोघेही गोवा येथे ‘पिकनिक’ला आले होते. त्यामुळे चाहत्यांच्या भुवया उंचावल्या आहेत. दोघेही अलीकडेच मुंबईत परतले आहेत. दोघांनाही मुंबई विमानतळावर कॅमेरात टिपण्यात आले.
कार्तिक आणि जान्हवी काही दिवसांपूर्वी गोव्याला गेले होते. अर्थात दोघेही चित्रपटाच्या चित्रीकरणासाठी गोव्यात गेले होते की फिरायला गेले होते, हे अद्याप स्पष्ट होऊ शकलेले नाही. पण मनीष मल्होत्राने आयोजित केलेल्या नवीन वर्षाच्या पार्टीत दोघांनीही जबरदस्त मस्ती केली होती. त्यानंतर आता गोवा प्रकरण पुढे आले आहे.
विमानतळावर कार्तिकने जान्हवीला तिच्या कारमध्ये बसवले आणि नंतरच तो आपल्या कारमध्ये बसला. यावेळी कारमध्ये जान्हवी कपूरची बहीण खुशी कपूरही होती. करण जोहरचा आगामी सिनेमा ‘दोस्ताना २’मध्ये कार्तिक आणि जान्हवी लीड रोलमध्ये असणार आहेत. या चित्रपटाचे चित्रीकरण लॉकडाऊनपूर्वीच सुरू झाले होते, हे विशेष. कार्तिक आणि जान्हवी दोघेही बॉलीवूडमध्ये लोकप्रिय आहेत. विशेषतः कार्तिक तरुणींमध्ये अधिक लोकप्रिय आहे. तर जान्हवी ही श्रीवेदीची कन्या म्हणून अधिक लोकप्रिय आहे. तिने ‘धडक’ या चित्रपटातून बॉलीवूडमध्ये पदार्पण केले होते.
बघा व्हिडिओ
