नवी दिल्ली – आपला भारत देश रहस्यमय घटनांनी भरलेला आहे. येथे अशी माहिती पदोपदी सापडते. त्यामुळे विश्वास ठेवणे थोडे कठीण होते. आपल्या देशात अशी अनेक मंदिरे असून त्यातील काही रहस्यमय आहेत. आपण आता आश्चर्यकारक शक्ती असलेल्या मंदिराबद्दल जाणून घेऊ जे मंदिर चक्क सर्वात मोठ्या जहाजाला आपल्याकडे देखील खेचून घेत होते.
कोणार्कचे सूर्यमंदिर हे भारतातील काही सूर्यमंदिरांपैकी एक असून ते ओडिसातील जगन्नाथ पुरीच्या ईशान्य पूर्वेस ३५ किलोमीटर अंतरावर कोणार्क शहरात आहे. कोणार्कचे मंदिर हे पुराणकथा आणि श्रद्धा यासाठी जगभरात प्रसिद्ध आहे.
यासह इतरही अनेक कारणे आहेत, ज्यामुळे भाविक हे मंदिर पाहण्यासाठी जगातील कानाकोपऱ्यातून येतात. तसेच ओडिशामधील मध्ययुगीन वास्तुकलेचा तो एक अनोखा नमुना आहे. म्हणूनच १९८४ मध्ये युनेस्कोने त्याला जागतिक वारसा म्हणून घोषित केले.
कोणार्क मंदिराच्या गर्भगृहात सूर्य देवाचे दर्शन घेण्याचा बहुतेक भाविकांना लाभ मिळतो. असे म्हणतात की, या मंदिरात ५२ टन वजनाचा प्रचंड मोठा लोहचुंबक होता. कोणार्क मंदिराच्या शिखरावर ५२ टन चुंबकीय दगड ठेवण्यात आला होता. या दगडाने मंदिराचे केले, त्यामुळे हे मंदिर शेकडो दशकांपर्यंत समुद्र किनार्‍यावर उभे आहे.
मंदिराची ही शक्तिशाली चुंबकीय प्रणाली आधुनिक काळात समस्या बनू लागली होती. कारण चुंबकीय शक्ती इतकी मजबूत होती की, पाण्यातील जहाज हे मंदिराकडे खेचले जात असत. ब्रिटिश काळात, जेव्हा हा त्रास सुरू झाला, तेव्हा मंदिरातील हे चुंबक काढून टाकले गेले. पण भव्य चुंबक काढून टाकल्यामुळे मंदिराचे संतुलन बिघडले, ज्यामुळे मंदिराच्या अनेक भिंती व दगड पडण्यास सुरुवात झाली. कोणार्क मंदिराची कल्पना सूर्याच्या रथ पासून झाली आहे. या सर्व बाबींच्या ऐतिहासिक नोंदी आहेत.
