नवी दिल्ली – जगात असे अनेक आगळेवेगळे व धोकादायक तलाव आहेत ज्यांचे रहस्य आजपर्यंत कळलेले नाही. असाच एक धोकादायक तलाव उत्तर टांझानियामध्ये आहे, तो नेट्रॉन लेक म्हणून ओळखले जातो. असे म्हटले जाते की, या तलावाच्या पाण्याला जे काही स्पर्श करते ते दगडाचे होते. या तलावाच्या आजूबाजूला प्राणी व पक्ष्यांची अनेक दगडी शिल्पे आहेत. या तलावाबद्दल सविस्तर जाणून घेऊ या …
नेट्रॉन सरोवरच्या परिसरात एकही लोकवस्ती नाही. मात्र या तलावाच्या आजूबाजूला दगडांच्या प्राण्यांची व पक्ष्यांची मूर्ती आहेत. या तलावात जादू असल्याचे देखील सांगण्यात येते. खरे तर या सगळ्यामागे शास्त्रीय कारणही आहे. नेत्रॉन एक क्षारीय तलाव आहे, जिथे पाण्यात सोडियम कार्बोनेटचे प्रमाण खूप जास्त आहे. पाण्यात अॅसिड आणि अमोनियाचे प्रमाण समान आहे. त्यामुळे मनुष्य, पशु व पक्ष्यांचे मृतदेह वर्षानुवर्षे सुरक्षित राहतात. तथापि, नेट्रॉन लेक जगातील एकमेव असे नाही तर अन्य तलावात देखील धोकादायक रासायनिक घटक आहेत.
आफ्रिका देश कॉंगोमधील किवू लेक जगातील सर्वात धोकादायक तलावांपैकी एक आहे. हे ‘स्फोटक तलाव’ म्हणून देखील ओळखले जाते. वास्तविक, त्याच्या पाण्यात कार्बन डाय ऑक्साईड आणि मिथेन वायू असतो. असे म्हणतात की, या सरोवराजवळ थोडासा भूकंप झाला तर तलावामध्ये मोठा स्फोट होता.
अमेरिकेच्या सर्वात मोठ्या तलावांपैकी एक ‘मिशिगन लेक’ जितके सुंदर आहे तितके ते धोकादायक आहे. असे म्हणतात की, या तलावाजवळ प्राणघातक वायूचा ढग तयार होता, ज्यामुळे तेथे असलेले सर्व प्राणी व पक्षी मरण पावले. आता शास्त्रज्ञांचा असा विश्वास होता की, तलावाच्या खाली एक ज्वालामुखी आहे, ज्यामुळे कार्बन डाय ऑक्साईड वायू पाण्यात आला असावा, आणि वायूची पातळी ढगात बदलली असावी.
उत्तर अमेरिका खंडातील कॅरिबियन भागात स्थित डोमिनिका हा उकळणारा तलाव आहे. या तलावाकडे जाणे म्हणजे मृत्यूवर आमंत्रण देण्यासारखे आहे. कारण , त्याचे पाण्याचे तापमान 92 डिग्री सेल्सिअस पर्यंत पोहोचते आणि हे पाणी या तलावाजवळील ज्वालामुखीमुळे उकळते.
