इटाकेअर (ब्राझिल) – वाचून धक्का बसला ना? पण हे खरं आहे. नवरीने लग्नाशी नकार दिल्याने अखेर डायगो राबेलो स्वतःशीच लग्न केले आहे. त्यामुळे ही बाब संपूर्ण जगभरातच चर्चेची ठरली आहे.
एखाद्याचे लग्न मोडले तर तो काय करेल? बरोब्बर, तो ते लग्न कॅन्सल करेल. पण डायगो याच्याही पुढचा निघाला. आणि त्याने स्वतःशीच लग्नगाठ बांधली. तो आणि व्हिटोर यांचे लग्न गेल्या नोव्हेंबरमध्ये निश्चित झाले. यावर्षी ऑक्टोबरमध्ये त्यांचा हा विवाह होणार होता. मात्र यंदाच्या उन्हाळ्यात त्यांच्यात काहीतरी बिनसले, आणि सततच्या वादावादीनंतर व्हिटोरने जुलैमध्ये डायगोशी ब्रेकअप केले.
या सगळ्यानंतरही खचून न जात डायगोने ठरलेल्या दिवशी विवाह करण्याचे निश्चित केले आणि १६ ऑक्टोबर रोजी बाहीया येथील इटाकेअर मधील एक रिसॉर्टमध्ये हा सोहळा संपन्न झाला. विशेष म्हणजे या लग्नाला त्याने आधीच आमंत्रित केलेल्यापैकी ४० पाहुणे उपस्थित होते.
लग्नातील विधी म्हणून आरशासमोर उभं राहून ‘i do’ म्हणणाऱ्या डायगोचा व्हिडीओ आधीच व्हायरल झाला आहे. हा माझ्या आयुष्यातील सर्वात आनंदाचा दिवस आहे. माझ्यावर प्रेम करणाऱ्या आणि माझ्या आयुष्यातील अतिशय महत्वाच्या माणसांसोबत मी आहे, अशा भावना त्याने व्यक्त केल्या. जे काही घडलं त्यानंतर महिनाभर मी विचार केला. आणि मग ठरवलं कि मला माझ्यावर प्रेम करण्याचा, खुश राहण्याचा अधिकार आहे.
