नवी दिल्ली – तुम्हाला हा पॉरी ट्रेंड माहित आहे का? जर तुम्ही सोशल मीडियावर ऍक्टिव्ह असाल, तर हे तुम्हाला निश्चितच माहीत असेल. जर तुम्ही इन्स्टाग्रामवर गेलात तर तुम्हाला ‘पॉरी हो रही है’ हा ट्रेंड व्हायरल होताना दिसेल. याला मिळणारा प्रतिसाद पाहता, बॉलीवूडमधील अनेक कलाकारांनी पण आपले असे व्हीडिओ शेअर केले आहेत.
असाच एक मीम दीपिका पदुकोणचा देखील आहे. पण तो तिने तयार केलेला नाही. त्यामुळे हा स्वत:चा मीम बघून ती स्वत: देखील चकित झाली आहे. यात तिचा लहानपणीचा खेळण्यातील घोड्यावर बसलेला फोटो आहे. या फोटोला पॉरी मीमच्या धर्तीवर एडिट करण्यात आले आहे. यात म्हटले आहे की, हम है, यह हमारा घोडा है, और यह हमारी पॉरी हो रही है. हे शेअर करताना स्वत: दीपिकाला आपले हसू आवरता आलेले नाही. हे कोणी केले आहे, असा प्रश्नही तिने विचारला आहे. याआधी शाहीर कपूरने देखील आपला असा व्हीडिओ टाकला होता.
एका पाकिस्तानी इनफ्लुएंसरचा एक व्हीडिओ सोशल मीडियावर व्हायरल झाला होता. यात ती आपल्या मित्र मैत्रिणींसह पार्टी करताना दिसत होती. त्यात तिने असे म्हटले आहे की, ‘यह हमारी कार है, यह हम है और यह हमारी पार्टी हो रही है’. या व्हीडिओला यशराज मुखाटेने नंतर म्युझिकल व्हीडिओ बनवले आणि हा व्हीडिओ व्हायरल झाला.
