नाशिक – शासनाने कांद्यावर निर्यातबंदी लागू केल्यामुळे शेतकऱ्यांना न्याय मिळवून देण्यासाठी राष्ट्रवादी युवक काँग्रेस नाशिक जिल्ह्याच्या वतीने जिल्हाध्यक्ष पुरुषोत्तम कडलग यांच्या नेतृत्वाखाली शिंदे पळसे टोल नाक्यावरती आंदोलन करण्यात आले. निर्यातबंदी न उठवल्यास टोलनाके बंद पाडण्याचा इशारा यावेळी देण्यात आला.
कडलग म्हणाले की, केंद्र शासनाने कांद्याला चांगल्या प्रकारचा भाव मिळत असतानाच निर्यात बंदी केली देशाचा जीडीपी मायनस २४ मध्ये गेला असताना कांद्याच्या निर्यात बंदीमुळे शेती उद्योगामुळे जीडीपी ला उभारी मिळणार होती ती देखील या निर्णयामुळे मिळणार नाही सर्वसामान्य शेतकरी पहिलेच कोविड-१९ परिस्थितीमध्ये देशोधडीला लागलेला असताना थोडेफार उत्पन्न कांद्याच्या माध्यमातून त्यांना मिळणार होत. परंतु केंद्र शासनाच्या या निर्णयामुळे शेतकऱ्यांवरती मोठे संकट उभे ठाकले आहे. नाशिक जिल्हा हा देशात एक नंबर कांदा उत्पादक असून नाशिक जिल्ह्यातील खासदारांनी लोकसभेचे अधिवेशनामध्ये कांदा निर्यात बंदी उठवावी याची आक्रमक भूमिका मांडली पाहिजे आणि तातडीने याबाबतचा निर्णय केंद्र शासनाकडून घेतला पाहिजे. केंद्र शासनाने हा निर्णय शेतकऱ्यांवरती द्वेषभावना घेतला असून केंद्र शासनाने ताबडतोब हा निर्णय रद्द करावा अन्यथा राष्ट्रवादी युवक काँग्रेस जिल्हाभरात चक्का जाम आंदोलन करेल आणि कायदा-सुव्यवस्थेची परिस्थितीला निर्माण झाल्यास सर्वस्वी जबाबदार केंद्रशासन असेल, असा इशारा यावेळी पदाधिकाऱ्यांनी दिला.
यावेळी किरण भुसारे, गणेश गायधनी, स्वप्नील चुंबळे, संदीप भेरे, विजू गांगुर्डे, शांताराम झोरे, सौरभ आहिरे, माणिकराव कडलग, प्रफुल्ल पवार, महेश शेळके, निखिल भागवत, मनोज गायधनी, श्रीकांत टावरे, वैभव झाडे, तुषार शिंदे, महेश रोकडे, सोनू ठोंबरे, सागर थेटे, आकाश भागवत, रमेश औटे,मधुकर सातपुते, बाळासाहेब तुंगार, गणपत गायधनी, रामकृष्ण गायखे, संजय धात्रक यांच्यासह मोठ्या प्रमाणात राष्ट्रवादी युवक काँग्रेसचे कार्यकर्ते व शेतकरी बांधवांनी आंदोलनात सहभागी झाले होते.
