नवी दिल्ली – अनेक दशकांपासून गांधी घराण्याशी जवळीक असलेले ज्येष्ठ नेते पी.सी. चाकोही यांनी काँग्रेस पक्षाचा निरोप घेताच कॉंग्रेसचे माजी अध्यक्ष राहुल गांधी यांच्यावर केला गंभीर आरोप केला आहे की, राहुल गांधी यांना मागच्या सीटवर बसून पक्षाची गाडी चालवायची आहे. स्वतःची जबाबदारी सोडून ते इतरांचे नेतृत्व करीत असल्याने समस्या उद्भवत आहेत.
ज्येष्ठ नेते चाको म्हणाले की, आता पक्षाचे भवितव्य अंधकारमय असून पक्षात कोणतीही नवी योजना नसल्याने पक्षाला नव जीवन मिळणे शक्य दिसत नाही, यासाठी त्यांनी थेट राहुल गांधी यांना जबाबदार धरले आहे.
आपला राजीनामा पाठवल्यानंतर चाको म्हणाले की, केरळमध्ये ज्या पद्धतीने निवडणूकांच्या तिकिटांचे वितरण केले जात आहे ते पूर्णपणे लोकशाही विरोधी आहे. या विषयावर त्यांनी राहुल गांधी यांच्याशी बर्‍याच वेळा चर्चा केली, पण प्रत्येक वेळी ते ठीक आहे, असे सांगून, आपण याबद्दल बोलू. असे म्हणतात. परंतु ते बोलतही नाही किंवा कुणाच्या तक्रारीही दूर करत नाही.
दरम्यान, केरळचे अनेक आमदार, मंत्री आणि खासदार यांच्याबद्दल चाको म्हणाले की, या ज्येष्ठ नेत्यांनी या पक्षाला केवळ आपला वेळ दिला नाही, तर पक्षाच्या प्रत्येक सुखात आणि दु: खामध्ये एकत्र उभे राहून त्यांनी पक्ष मजबूत करण्याचा प्रयत्न केला आहे, परंतु त्याऐवजी त्यांचा वारंवार अपमान झाला. त्यांनी गट २३ नेत्यांच्या मागण्यांचे समर्थनही केले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
