कांदा उत्पादकांची व्यथा मांडणारी

अमरावतीचे कवी नितिन देशमुख यांची वराडी भाषेतील कविता 

फेअर एण्ड लवली पेक्षा स्वस्तच हाय कांदा….

–

एक वराडी कविता ….

शेतक-यांसाठीच सारा काहून होते वांदा…..!
फेयर एण्ड लवली पेक्षा स्वस्तच हाय कांदा

इंटरनेट चे भाव वाढल्ले कोणी नाई बोल्लं
दणके घिऊ घिऊ राजा सारच आमचं सोल्लं
जरासिकतं आमची बाजू मनापासून मांडा……
फेअर एण्ड लवली पेक्षा स्वस्तचं आहे कांदा..॥

कांदा काय वाढल्ला त केवढा करता कल्ला….
मटन चिकन वाढल्ल त एक नाई बोल्ला…….
धर्मासाठी सांडता रगत तसं आमच्या साठी सांडा
फेअर एण्ड लवली पेक्षा सस्ताच हाय कांदा ।।

क्रिम पावडर डिओ चे रोजचे वाढते रेट…..
कांद्यानंच गृहिणीचं चयते काय बजेट….?
आता त सोडा बे बावा ह्या फालतू धंदा…
फेअर एण्ड लवली पेक्षा स्वस्तच हाय कांदा।।

परदेशी कंपण्या बी लुटूलुटू नेते….
भारतातले आंडुपांडु त्याईले मोठे भेते…
आता घेना शेकून बगर कांद्याचं रांधा….
फेअर एण्ड लवली पेक्षा स्वस्तच हाय कांदा।।

कांद्याले फेमस करून शेतक-याले गाडलं
कांद्यानंत म्हणे बावा सरकार बी पाड्डलं
कितीक मेले फास घेऊन माहीत हाय यंदा.?
फेअर एण्ड लवली पेक्षा स्वस्तच हाय कांदा

कवी नितिन देशमुख, बेलोरो, जिल्हा – अमरावती