कळवण – जागतिक महिला दिनाचे औचित्य साधून कोल्हापूर फाटा येथील वॉलसन इंडस्ट्रीकडून जनता विद्यालय,पाळे येथील विद्यालयातील सर्व विद्यार्थ्यांना मोफत मास्कचे व सँनिटरी नँपकीनचे वाटप करण्यात आले. यावेळी वॉलसन इंडस्ट्रीज धनलक्ष्मी मार्केटिंगचे संचालक संजय बगे व विद्यालयाचे मुख्याध्यापक प्रल्हाद पाटील यांनी विद्यार्थ्यीनींना सँनिटरी नँपकीन वापराबाबत मार्गदर्शन केले.
यावेळी शालेय समितीचे सदस्य पोपट दाजी पाटील व उपस्थित मान्यवरांच्या हस्ते विद्यार्थ्यींनींना व महिलांना मोफत सँनिटरी नँपकीन वाटप करण्यात आले. व उपस्थित महिलांचा सत्कार करण्यात आला. यावेळी विद्यालयाचे जेष्ठ शिक्षक नितीन पाटील, चिमन भोये, विकास रौंदळ,कीरण पवार ,सुनिल जाधव, मनोहर चौरे, श्रीमती संगिता पवार,बिजला पाटील, पंकजा गवळी,बच्छाव, पाटील, आदि उपस्थित होते.
