कळवण – शेतकरी सहकारी संघाच्या सभापतीपदी संतोष मोरे तर उपसभापतीपदी प्रल्हाद शिवदे बिनविरोध कळवण कळवण तालुका शेतकरी सहकारी संघाच्या सभापतीपदी संतोष मोरे तर उपसभापतीपदी प्रल्हाद शिवदे यांची सर्वानुमते बिनविरोध निवड करण्यात आली.
शेतकरी संघाची पदाधिकारी निवडणूक बिनविरोध करण्याची परंपरा यंदा देखील कायम राहिली असून दोघेही पदाधिकारी आमदार डॉ. राहुल आहेर, भाजपा जिल्हाध्यक्ष केदा आहेर, भाजपा नेते सुधाकर पगार यांचे विश्वासू सहकारी आहेत.
शेतकरी संघाचे विद्यमान सभापती राजेंद्र पवार, उपसभापती माणिक देवरे यांनी आवर्तन पद्धतीने राजीनामा दिल्यामुळे रिक्त झालेल्या सभापती व उपसभापतीपदासाठी संचालक मंडळाची विशेष सभा घेण्यात येऊन निवडणूक बिनविरोध करण्यात आली . शेतकरी सहकारी संघामध्ये भाजपाचे वर्चस्व असून राष्ट्रवादी काँग्रेस , काँग्रेस पदाधिकारी देखील संचालक मंडळात प्रतिनिधित्व करीत आहे . नवनिर्वाचित सभापती संतोष मोरे , उपसभापती प्रल्हाद शिवदे यांचा सर्वपक्षीय पदाधिकारी व कार्यकर्त्यांनी यावेळी सत्कार केला.
निवडीप्रसंगी भाजपा नेते सुधाकर पगार,निंबा पगार ,राजेंद्र पवार ,माणिक देवरे ,महेंद्र हिरे ,जिभाऊ वाघ ,सोमनाथ पवार ,जितेंद्र पगार,सौ संगीता देवरे ,सौ मीनाक्षी पगार,बुधा जाधव आदी उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
