मुलभूत अभ्यासक्रम, कला शिक्षक प्रशिक्षण व आर्ट मास्टर या पदविका /प्रमाणपत्र अभ्यासक्रम प्रवेश प्रक्रियेसाठी उमेदवाराद्वारे संकेतस्थळावर ऑनलाईन नोंदणी करणे, महाविद्यालय व अभ्यासक्रम निवडणे, कागदपत्रांच्या स्कॅन छायांकीत प्रती अपलोड करणे यासाठी २० सप्टेंबर ते ३० सप्टेंबर अशी मुदत देण्यात आली आहे.
विद्यार्थ्यांसाठी तात्पुरत्या निवड याद्या ५ ऑक्टोबर रोजी प्रदर्शित करण्यात येणार आहेत. सर्व प्रकारच्या विद्यार्थ्यांसाठी तात्पुरत्या निवड यादीबाबत काही तक्रार असल्यास ६ ऑक्टोबर रोजी सादर करता येतील. ८ ऑक्टोबर रोजी विद्यार्थ्यांसाठी अंतिम निवड यादी प्रसिद्ध होणार आहे. संबंधित महाविद्यालयात ९ ऑक्टोबर ते १६ ऑक्टोबर या कालावधीत प्रवेश घेता येणार असल्याचे कला संचालनालयाने प्रसिद्धीपत्रकाद्वारे कळविले आहे.
विद्यार्थ्यांना वेळापत्रकानुसार https://cetcell.net/doa/ या संकेतस्थळावर ऑनलाईन अर्ज करावयाचे आहे. विद्यार्थ्यांनी प्रवेशाचे दिलेले निकष, नियम प्रक्रिया आणि सूचना यांचे काळजीपूर्वक वाचन करावे. प्रवेशाचे निकषासंदर्भात अधिक माहितीसाठी www.doa.org.in या संकेतस्थळास भेट द्यावी.
