मुंबई : बॉलीवूड अभिनेत्री करिष्मा कपूर आपले जुने घर विकून नवीन घर घेणार आहे. जुन्या घराच्या विक्रीची किंमत ऐकून आपल्याला नक्कीच चक्कर येईल. करिष्मा कपूरने यासंदर्भात कोणतीही माहिती दिली नसली तरी सूत्रांनी दिलेल्या माहितीनुसार, करिष्मा आपले जुने घर विकणार आहे. रोझ क्वीन नावाच्या इमारतीत करिष्मा १० व्या मजल्यावर राहते. झपकी या संकेतस्थळावर दिलेल्या माहितीनुसार, हे घर ती तब्बल १० कोटींना विकणार आहे. करिष्माचे हे घर १, ६११ चौ.फूट आहे. यापूर्वीही २०१८ मध्ये तिने वांद्रे येथील घर जवळपास १ कोटी ४० लाखांना विकले होते. करिष्मा बरोबरच तिची बहीण करीना कपूर आणि सैफ अली खानही नवीन घरात शिफ्ट होणार आहेत. त्यांच्या दुसऱ्या बाळाच्या जन्माआधीच ते नवीन घरात जाणार आहेत. कुटुंब वाढत असल्याने त्यांनी हा निर्णय घेतला आहे. सध्या ते ‘फॉर्च्युन हाईट्स’ येथे राहतात. आणि ज्या घरात शिफ्ट होणार आहेत त्याचे नाव ‘सतगुरु शरण’ असे आहे.
