नवी दिल्ली – अभिनेता विकी कौशल आणि अभिनेत्री कतरीना कैफ हे दोघे अनेकदा सोबत दिसले आहेत. दिवाळीत देखील ते सोबत दिसले होते. ते एकमेकांना डेट करत असल्याच्या अनेक चर्चा आहेत. मात्र, या दोघांपैकी एकानेही याबाबत कसलीही प्रतिक्रिया दिलेली नाही. आता तर हे दोघे आपले नाते पुढे नेणार असल्याच्या चर्चा रंगत आहेत. या चर्चांमधूनच बहुधा त्यांचे नाते किती पुढे जाणार आहेे, हे आपल्याला कळणार आहे.
मुंबई मिररने दिलेल्या वृत्तानुसार, या दोघांनी २०२१ वर्षाचे स्वागत एकत्र केले होते. कतरीना आणि विकी कौशल ही जोडी बॉलीवूडमधील चर्चेतील जोडी आहे. तरीही त्यांनी अद्याप आपले नाते सार्वजनिक केलेले नाही. हे दोघेही सिंगल आहेत, आणि या दोघांचे फ्रेंड सर्कलही सारखेच आहे. रणबीर कपूरसोबत ब्रेकअप झाल्यावर गेल्या दोन वर्षांपासून कतरिना सिंगल आहे. तर विकी कौशलचे हरलीन सेठीसोबत ब्रेकअप झाले आहे. या दोघांना एकमेकांसोबत कम्फर्टेबल वाटतं, अशी चर्चा होती. अर्थात, नेहा धूपिया हिने ही बातमी खरी नसल्याचे म्हटले होते. तरीही या दोघांच्या नात्याबद्दलच्या चर्चा काही थांबत नाहीत. विशेष म्हणजे, या चर्चेबाबत प्रतिक्रिया देताना मागे एकदा कतरिनाने या अफवा असल्याचे म्हटले होते तर विकी कौशलने आश्चर्य व्यक्त केले होते.
