पाटणा – असे म्हणतात की, शहाण्याने कोर्टाची पायरी चढू नये, कारण वेळ आणि पैसा वाया जातो. नालंदा बाल न्याय मंडळाचे प्रधान दंडाधिकारी मानवेंद्र मिश्रा यांनी एका बलात्कार प्रकरणात अवघ्या ९ दिवसात निकाल देऊन इतिहास रचला. चुकीच्या वर्तनावर तातडीने शिक्षा देणारी ही पहिलीच घटना असल्याचे सांगितले जात आहे.
घटनेच्या वेळी आरोपीचे वय १५ वर्षे १० महिने होते. कोर्टाने १८ जानेवारीपासून या खटल्याची सुनावणी सुरू केली आणि २८ जानेवारी रोजी ही शिक्षा सुनावण्यात आली. मध्ये एक दिवस कोर्टाला २६ जानेवारी रोजी प्रजासत्ताक दिनाची सुट्टी होती. फिर्यादीत म्हटले आहे की, किशोरवयीन आरोपीला भारतीय दंड संहिता कायद्याच्या कलमा अंतर्गत तीन वर्षांची शिक्षा ठोठावण्यात आली आहे. सर्व सजा या एकत्र दिल्या जातील. शिक्षेची मुदत संपेपर्यंत दोषी मुलाला पाटणा येथील विशेष किशोर सुधारगृहात ठेवण्यात येईल. गेल्या वर्षी २६ जुलै रोजी ही घटना घडली होती. याप्रकरणी महिला पोलिस ठाण्यात गुन्हा दाखल करण्यात आला होता.
