नाशिक – पुण्यावरून नाशिक येथे येत असलेल्या एका व्यक्तीच्या टेम्पोत मृत्यू झाल्याचे गुरूवारी उघडकीस आले. रमेश बाबुराव खैरनार (५२, रा. गुलमोहरनगर, दिंडोरीरोड) असे या घटनेत मृत्यू झालेल्या व्यक्तीचे नाव आहे. पोलीसांनी दिलेल्या माहितीनुसार खैरनार हे पोकार कॉलनी येथे राहणारे त्यांचे मित्र अपुर्व कुलकर्णी यांच्या समवेत पुणे येथे गेले होते. पुणे येथून टेम्पो (mh १५ gm ०८४६) यामध्ये पाठीमागे झोपून खैरनार हे नाशिक येथे आले. पंरतु घरी आल्यानंतर कुलकर्णी त्यांना उठवण्यासाठी गेले असता त्यांचा झोपेतच मृत्यू झाल्याचे निदर्शनास आले. याप्रकरणी म्हसरूळ पोलीस ठाण्यात गुन्हा दाखल करण्यात आला आहे. अधिक तपास सहायक उपनिरिक्षक एस.व्ही. जाधव करत आहेत.
