नवी दिल्ली – इंटरनेट युझर्सना अनेक ऑफर्स देणाऱ्या जिओला टक्कर देण्यासाठी वेगवेगळ्या कंपन्या नवनवीन रिचार्ज प्लॅन्स आणत असतात. एअरटेलने देखील नुकताच १९९ रुपयांचा एक रिचार्ज प्लॅन आणला आहे, ज्याअंतर्गत दिवसाला दीड जीबी डेटा मिळणार आहे. तर २८ दिवसांपर्यंत याची वैधता असेल. यापूर्वी एअरटेलच्या १९९च्या प्लॅनमध्ये दिवसाला १ जीबी डेटा मिळत होता. जिओच्या स्पर्धेत उतरण्यासाठी आणलेल्या या प्लॅनमध्ये अनलिमिटेड कॉलिंग आणि १०० एसएमएस फ्री आहेत. यापूर्वी दिवसाला दीड जीबी डेटा आणि अनलिमिटेड कॉलिंगसाठी एअरटेलचा २४९ रुपयांचा प्लॅन घ्यावा लागत असे.
