नाशिकरोड – जेलरोड येथील सावित्रीबाई फुले वाचनालयाचा तिसरा वर्धापनदिन आणि फुले अभ्यासिकेचे उदघाटन विधीमंडळ उपसभापती नरहरी झिरवाळ यांच्याहस्ते आज झाले. राष्ट्रवादीचे अध्यक्ष शरद पवार यांच्या वाढदिवसानिमित्त यावेळी रक्तदान शिबिर तसेच लोकसेवा दिनदर्शिकेचे प्रकाशनही झाले. पक्षाचे जिल्हा सरचिटणीस योगेश निसाळ, राजमाता जिजाऊ प्रतिष्ठान, महारुद्र मित्र मंडळ यांच्यातर्फे झालेल्या या कार्यक्रमाला माजी खासदार समीर भुजबळ, आमदार सरोज आहिरे, राष्ट्रवादीचे जिल्हाध्यजक्ष कोंडाजी आव्हाड, दिलीप खैरे, शहराध्यक्ष रंजन ठाकरे, मनपा गटनेते गजानन शेलार, अंबादास खैरे, निवृत्ती अरिंगळे, महिला अध्यक्षा अनिता भामरे, नाशिकरोड अध्यक्ष मनोहर कोरडे, हंसराज वडघुले, शिवाजी भोर, अशोक ठुबे यांची प्रमुख उपस्थिती होती.
झिरवाळ म्हणाले की, तरुणांनी गावा गावांमध्ये मंदिराबरोबरच ज्ञानमंदिरे उभारावीत. युवकांना स्पर्धा परीक्षा व व्यक्तीमत्व विकासासाठी त्यामुळे मोलाची मदत होईल. सावित्री फुले वाचनालयामुळे ज्येष्ठ नागरिक व महिलांना विरंगुळ्याचे निर्माण झाले असून त्यांच्या ज्ञानातही भर पडणार आहे. रक्तदान शिबिरात नागरिकांबरोबरच कार्यकर्ते व पदाधिका-यांनीही रक्तदान केल्यास रक्तटंचाई दूर होईल.
यावेळी जयप्रकाश गायकवाड, प्रफुल्ल पाटील, आकाश कोकाटे, समर सोनार, निलेश पेलमहाले, अनिल पगार, रुपाली पठारे, वंदना चाळीसगावकर, सुरेखा निमसे, गौतम पगारे, संजय बोडके, वजाज शेख, आशा कदम, विक्रम खरोटे, जर्ऩादन बुचडे, बाबूराव आव्हाड, शंकर वाणी, प्रशांत वाघ, दत्ता गिते, सोमनाथ सहाने, जितेंद्र बाराते, रतन भोर, मनोज भामरे, विठ्ठल नागरे, प्रविण जगताप, निलेश जगताप आदी उपस्थित होते.
