नवी दिल्ली – वीज खासगीकरणाच्या निषेधार्थ सुरू झालेल्या वीज कामगारांच्या संपामुळे पूर्व उत्तर प्रदेशातील कोट्यवधी नागरिकांना त्रास सहन करावा लागत आहे. विजेच्या संकटामुळे रात्रभर लोक अस्वस्थ होते. कारण उपमुख्यमंत्र्यांच्या निवासस्थानापासून ते सर्वसामान्यांपर्यंत लाखो लोकांची घरे अंधारातच राहिली.
कामगारांच्या संपाचा मोठा परिणाम दिसून आला की संपूर्ण पूर्वांचलच्या मोठ्या भागाला रात्रभर वीजपुरवठा होऊ शकला नाही. केवळ सर्वसामान्य ग्राहकच नव्हे तर उपमुख्यमंत्री , ऊर्जामंत्री यांच्यासह अनेक मंत्री आणि आमदारांना देखील याचा फटका बसला. तसेच उत्तर प्रदेशातील बर्‍याच भागांत वीज कर्मचार्‍यांच्या कामावर बहिष्काराचा परिणाम मोठ्या प्रमाणात दिसून आला. सर्वसामान्यांपासून व्हीआयपीपर्यंत कामगार संपामुळे त्रस्त झाले. उपमुख्यमंत्री केशव प्रसाद मौर्य, ऊर्जामंत्री श्रीकांत शर्मा आणि सुमारे १५० आमदारांसह तीन डझनहून अधिक मंत्री यामुळे त्रस्त झाले आहेत.
व्हीआयपी भागात वीज कपात झाल्यानंतर महानगरपालिका व्यवस्थापनापासून शासन पातळीपर्यंत गोंधळ उडाला, परंतु वीज अभियंत्यांनी वीजपुरवठा पूर्ववत करण्यास नकार दिला. सुमारे दोन तासांच्या मोठ्या परिश्रमानंतर घेतल्यानंतर पर्यायी स्त्रोताद्वारे वीजपुरवठा सुरू करण्यात आला.
लखनौ ते नोएडा आणि मेरठ ते वाराणसी या सर्व जिल्ह्यांत १० ते १६ तास वीज कपात झाल्याने लोकांसमोर पिण्याच्या पाण्याचे संकट निर्माण झाले. प्रयागराज, लखनऊ, वाराणसी यासारख्या मोठ्या शहरांतील सर्व विद्युत केंद्रे ठप्प झाली. याशिवाय पूर्वांचलच्या जौनपूर, आझमगड, गाझिपूर, मऊ, बलिया, चांदौली यासह अनेक जिल्ह्यात वीजपुरवठा होत नसल्याने लाखोंचे लोक मोठे हाल झाले .
