नवी दिल्ली – भारत आणि परदेशातील बहुतांश वाहन उत्पादक त्यांच्या कारची किंमत वाढवणार आहेत. यामध्ये आता जपानची प्रसिद्ध वाहन निर्माता टोयोटा आणि अमेरिकेचे आघाडीचे वाहन निर्माता फोर्ड यांचेही नाव आहे. या दोन्ही कार निर्माता कंपन्या १ एप्रिलपासून त्यांच्या वाहनांच्या किंमती वाढवतील.
मोटारींच्या वाढीव किंमती त्यांच्या मॉडेल्सच्या आधारे ठरविण्यात येतील.फोर्ड सध्या आपल्या चार गाड्या भारतात विकत असून यामध्ये फोर्ड फिगो, इकोस्पोर्ट आणि प्रीमियम एसयूव्ही यांचा समावेश आहे. यापूर्वी कित्येक वाहन उत्पादकांनी कच्च्या मालाच्या किंमतीतील वाढ आहे, स्टील आणि इतर घटक यात झालेली दर वाढ हे कारण सांगितले आहे.
टोयोटा
जपानची आघाडीची वाहन निर्माता कंपनी टोयोटाचीही भारतातील सर्व मोटारींच्या किंमती वाढविण्याची योजना आहे. 1 एप्रिलपासून नवीन किंमतींची अंमलबजावणी करण्यात येणार असली तरी टोयोटाने सध्या आपल्या मोटारींच्या किंमतीत किती वाढ होणार आहे याची माहिती जाहीर केले नाही.भारतातील अनेक टोयोटा कारचे मॉडेल्स खूप लोकप्रिय आहेत. यात कंपनीच्या प्रीमियम एसयूव्ही टोयोटा फॉर्च्यूनर, इयानोवा क्रिस्टा, अर्बन क्रूझर या गाड्यांचा समावेश आहे. फोर्ड आणि टोयोटाआधीही अनेक देशी-विदेशी वाहन उत्पादकांनी त्यांच्या वाहनांच्या किंमती वाढवण्याची घोषणा केली आहे.
मारुती सुझुकी
भारतातील सर्वात मोठी वाहन निर्माता कंपनी मारुती सुझुकी यांनीही जाहीर केले आहे की, कंपनी दि. 1 एप्रिलपासून आपल्या मोटारींच्या किंमती वाढवणार आहे. त्यानंतर आपल्या पसंतीच्या गाड्या मारुती सुझुकी स्विफ्ट ते विटारा ब्रेझा पर्यंत महाग होतील. यासंदर्भात मारुती सुझुकीने अशी माहिती दिली आहे की, कच्च्या मालाच्या वाढत्या किंमतीमुळे हे करण्यास भाग पाडले जात आहे.
निसान इंडिया
किंमतीतील वाढीच्या यादीमध्ये जवळपास सर्व कंपन्यांची नावे मिळण्याची अपेक्षा आहे. पण याची पुष्टी म्हणून जपानच्या आणखी एक मोटार उत्पादक निसान कंपनीनेही याची पुष्टी केली की ते एप्रिलपासून आपल्या सर्व मोटारींच्या किंमती वाढवणार आहेत. परंतु, ही वाढ किती होईल याबाबत कोणतीही अधिकृत माहिती समोर आलेली नाही. गेल्या वर्षी कंपनीने भारतीय बाजारात आपली सर्वात स्वस्त एसयूव्ही निसान मॅग्नाइट बाजारात आणली आहे.
रेनो
रेनो पुढच्या महिन्यात म्हणजे एप्रिलपासून आपल्या सर्व कारच्या किंमतीतही वाढ करणार आहे. त्यानंतर, देशातील सर्वात स्वस्त कॉम्पॅक्ट एसयूव्ही, किजर, डस्टर आणि कंपनीच्या इतर कार देखील महाग होतील. परंतु या वेळी किंमत वाढल्यानंतरही रेनॉल्ट किजर सर्वात स्वस्त कार असू शकेल की नाही, हे पाहणे औत्सुक्याचे ठरणार आहे. कारण सध्या कैगर आणि मॅग्नाइटच्या सुरुवातीच्या किंमतींमध्ये फक्त 4 हजार रुपयांचा फरक आहे. याशिवाय हुंडई मोटर्स, आयएसयूझेडयू आणि किआ सारख्या कंपन्याही त्यांच्या वाहनांच्या किंमती लवकरच वाढवू शकतात.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
