नाशिक – राज्य सरकारच्या माध्यमातून असलेल्या विविध योजना उत्राणे गावात राबविण्यासाठी आपण सर्वत्तोपरी सहकार्य करु असे प्रतिपादन पालकमंत्री ना.छगन भुजबळ यांनी केले आहे. बागलाण तालुक्यातील उत्राणे ग्रामपंचायतीची निवडणुक नुकतीच पार पडली. यात निवडून आलेल्या नवनिर्वाचीत ग्रामपंचायत सदस्यांनी पालकमंत्री ना.छगन भुजबळ यांची सदिच्छा भेट घेतली. त्यावेळी ना.भुजबळ बोलत होते.
पालकमंत्री ना.भुजबळ यांच्या हस्ते नवनिर्वाचीत ग्रामपंचायत सदस्य केदा पगार, पुंजाराम पगार, योगिता पगार, हर्षदा पगार, अनुसया पगार, झेलाबाई बागुल, कोमल पगार, रोहिदास आहिरे आदींचा सत्कार करण्यात आला. यावेळी माजी खासदार समीर भुजबळ, राष्ट्रवादी काँग्रेसचे जिल्हाध्यक्ष ॲड.रविंद्रनाना पगार, डॅा.अरविंद पगार, आकाश पगार, दादाजी पगार, विजय पगार, मधुकर पगार, विरेंद्र पगार, यश पगार आदींसह गावकरी मोठ्या संख्येने उपस्थित होते.
