इगतपुरी – मुंबई आग्रा महामार्गावरील एका हॉटेलमध्ये मुंबई येथील ग्राहक कुंटुबियास बेदम मारहाण केल्याप्रकरणी गुन्हा दाखल करण्यात आला आहे. मंगळवारी रात्री ही घटना घडली. जेवणाच्या बिलावरून हा वाद झाला. दरम्यान तक्रारदाराने हॉटेल चालकाने महिला मुलांना लाठ्या काठ्यांनी बेदम मारहाण करीत त्यांच्या वाहनाचेही मोठे नुकसान केल्याचे तक्रारीत म्हटले आहे. गळयातील सोनसाखळीतील पेंडल आणि महागडे मोबाईल गहाळ झाल्याचे तक्रारतदाराचे म्हणणे आहे. याप्रकरणी हॉटेल मालक असलेल्या दांम्पत्यासह हॉटेल कामगार आणि सुरक्षारक्षकांविरूध्द गुन्हा दाखल करण्यात आला आहे. हिमांशू मगनभाऊ मखवाना (रा.बोरिवली,मुंबई) यांनी तक्रार दाखल केली आहे.
पोलीसांनी दिलेल्या माहितीनुसार मखवाना कुटूंबिय आपल्या नातेवाईकांसह इगतपुरी येथील मानस हॉटेल नजीकच्या स्काय व्हिला येथे थांबले होते. सोमवारी (दि.२८) त्र्यंबकेश्वर आणि नाशिक येथे देवदर्शन करून कुटुंबिय रात्री जेवणासाठी मानस हॉटेल येथे गेले असता ही घटना घडली. याप्रकरणी हॉटेल मालक असलेल्या दांम्पत्यासह हॉटेल कामगार आणि सुरक्षारक्षकांविरूध्द गुन्हा दाखल करण्यात आला आहे. अधिक तपास उपअधिक्षक अर्जुन भोसले यांच्या मार्गदर्शनाखाली उपनिरिक्षक शरद सोनवणे करीत आहेत.
