इगतपुरी तालुक्यातील बंद केलेले कोविड सेंटर पुन्हा सुरू करावे ; मनसेचे तहसिलदारांना निवेदन

जिल्हाभर कोरोनाचे वाढते प्रमाण गंभीर असून इगतपुरी तालुक्यात पण त्याचा प्रादुर्भाव मोठ्या प्रमाणात होतांना दिसत आहे. त्यामुळे भावली येथील बंद केलेले एकलव्य कोविड सेंटर अतितातडीने पुन्हा सुरू करण्यात यावे अशी प्रमुख मागणी निवेदनात करण्यात आली आहे. मनसेचे जिल्हा संघटक भगीरथ मराडे यांच्या नेतृत्वाखाली मनसेच्या शिष्टमंडळाने तहसीलदार परमेश्वर कासुळे यांची भेट घेतली. यावेळी सविस्तर चर्चा करून निवेदन देण्यात आले. यावेळी लवकरच कोविड सेंटर चालू करण्याचे आश्वासन तहसीलदारांनी दिले. या प्रसंगी मनसेचे जिल्हा संघटक भगीरथ मराडे, उपाध्यक्ष संजय सहाणे, जिल्हा उपाध्यक्ष आत्माराम मते, माजी सरपंच रामदास आडोळे, माजी सरपंच कैलास भगत, तालुकाध्यक्ष कृष्णा भगत, माजी सरपंच हरिश्चंद्र चव्हाण, गणेश मुसळे, विनोद चव्हाण, विशाल पावसे, रावसाहेब सहाणे, सखाहारी जाधव आदींसह राजसैनिक उपस्थित होते.