इकडे लक्ष द्या; नाशकात गुरुवारी या भागात पाणीपुरवठा नाही

नाशिक – शहराच्या अनेक भागात येत्या गुरुवारी (२२ ऑक्टोबर) पाणी पुरवठा होणार नाही. तशी माहिती नाशिक महापालिकेने दिली आहे.

महापालिका प्रशासनाने दिलेल्या माहितीनुसार, महापालिकेचे गंगापूर धरण रॉ वॉटर पंपींग स्टेशन येथे महावितरण कंपनीकडून ३३ केव्ही ओव्हरहेड लाईन भूमिगत केले जाणार आहे. त्यासाठी महावितरण कंपनीकडील विदयुत पुरवठा गुरुवारी (२२ ऑक्टोबर) सकाळी १० ते सायंकाळी ५ वाजेपर्यंत खंडीत ठेवण्यात येणार आहे. त्यामुळे गंगापूर धरण पंपींग स्टेशन येथील रॉ वॉटर पंपींग होणार नाही. परिणामी नाशिक शहरातील खालील विभागांमध्ये संपूर्णपणे पाणी पुरवठा बंद राहील.