मुंबई – प्रसिद्ध गायिका आशा भोसले यांचे इन्स्टाग्रामवरील अकाऊंट हॅक झाले आहे. तशी माहिती आशा भोसले यांनी दिली आहे. हॅक झालेल्या अकाऊंटच्या माध्यमातून आपल्याला काही मेसेज मिळाले तर त्याकडे दुर्लक्ष करा. हे अकाऊंट पुन्हा मिळविण्यासाठी मी प्रयत्न करीत आहे. धन्यवाद, असा मेसेज भोसले यांनी पाठविला आहे. फेसबुक, ट्विटरनंतर हॅकर्सनी आता इन्स्टाग्रामकडेही मोर्चा वळविल्याचे दिसून येत आहे.
