नाशिक – कोरोना विषाणूचा प्रादुर्भाव रोखण्यासाठी करण्यात आलेल्या लॉकडाऊननंतर आता अनलॉकची प्रक्रिया सुरु झाली आहे. या अंतगर्त रोखण्यात आलेले विविध अभ्यासक्रमांचे प्रवेश आता सुरु झाले आहेत. यामध्ये आर्किटेक्चर अभ्यासक्रमासाठी प्रवेश प्रक्रियादेखील सुरु झाली आहे. याआधी आर्किटेक्चरच्या प्रथम वर्षासाठी अर्ज भरण्यासाठीची मुदत १३ डिसेंबर होती. मात्र आता याला तंत्रशिक्षण संचालनालय,महाराष्ट्र राज्य, कडून मुदतवाढ देण्यात आली असून येत्या २० डिसेंबरपर्यत अर्ज भरता येणार असल्याची माहिती चांदशी येथील आयडीया आर्किटेक्चर कॉलेजच्या प्राचार्या प्राध्यापक दर्शना देसाई यांनी दिली आहे.
