नवी दिल्ली – प्रत्येक कर्मचाऱ्यांना आयकर विवरणपत्र भरणे आवश्यक असते. या मूल्यांकन वर्ष 2O21 – 22चे नवीन आयकर विवरणपत्र (आयटीआर) प्रसिध्द करण्यात आले आहे. कोरोना साथीच्या आजाराच्या पार्श्वभूमीवर, मागील वेळेप्रमाणे या काळात त्यात फारसा बदल झाला नाही.
अर्थ मंत्रालयाच्या आधिकाऱ्याने सांगितले की, आयकर कायद्यातील कलम 1961 मधील दुरुस्तीमुळे आयटीआर -1 ते आयटीआर -7 फॉर्ममध्ये केवळ आवश्यक बदल करण्यात आले आहेत. तसेच फॉर्म भरण्याच्या पद्धतीत कोणताही बदल करण्यात आलेला नाही.
1) आयटीआर -1 (सहज) : हा सर्वात सोपा अर्ज प्रकार आहे. या फॉर्मचा वापर लहान आणि मध्यम करदात्यांद्वारे केला जाऊ शकतो, ज्यांचे वार्षिक उत्पन्न 50 लाखांपर्यंत आहे. तसेच, ज्यांचे कमाईचे स्रोत केवळ पगार आणि घर किंवा व्याज सारखे इतर स्त्रोत आहेत. त्यांनी हा फॉर्म भरावा.
2) आयटीआर-4 (सुगम) : हा फॉर्म अविभक्त कुटुंब आणि कंपन्यांच्या वतीने भरला जातो. ज्यांचे व्यवसाय किंवा व्यवसायातून वार्षिक उत्पन्न 50 लाखांपर्यंत आहे.
3 ) आयटीआर -2: वैयक्तिक करदाता आणि अविभक्त कुटुंब ज्यांचे उत्पन्न कोणत्याही व्यवसाय किंवा व्यवसायातून नाही. तसेच, त्यांच्याकडे सहज फॉर्म भरण्याची क्षमता नाही.
4 ) आयटीआर-3: व्यवसाय किंवा व्यवसायातून मिळणारा वैयक्तिक करदाता आणि हिंदू अविभक्त कुटुंब.
5 ) आयटीआर -5: अविभक्त कुटुंब, भागीदारी कंपन्या आदि हा फॉर्म भरू शकतात.
6 ) आयटीआर -6: मोठ्या कंपन्या हा फॉर्म भरू शकतात.
7 ) आयटीआर -7: आयकर कायद्यांतर्गत सूट मागणारे विश्वस्त, राजकीय पक्ष आणि धर्मादाय विश्वस्त हा फॉर्म भरू शकतात.
दरम्यान, आखाती देशांत काम करणाऱ्या भारतीय कर्मचारी, कामगारांना पगाराच्या उत्पन्नावर करात सूट मिळणार आहे, असे अर्थमंत्री निर्मला सीतारमण यांनी सांगितले. अर्थ कायदा -२०१२ च्या माध्यमातून सौदी अरेबिया, युएई, ओमान, कतारमध्ये काम करणाऱ्या भारतीय कामगारांच्या बाबतीत कोणताही नवीन वा अतिरिक्त कर आकारला गेलेला नाही.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
