मुंबई – बॉलिवूडमधील लोकप्रिय गायक उदित नारायण यांचा मुलगा आदित्य नारायण याने त्याची प्रेयसी श्वेता अग्रवालसोबत मंगळवारी रात्री लग्न केले. आदित्य नारायण स्वतः एक गायक आणि टीव्ही अँकर आहे. आदित्यच्या लग्नाचे फोटो सध्या सोशल मीडियावर व्हायरल होत आहेत.
एक शानदार वरात घेऊन आदित्य उदित नारायण यांच्यासोबत घरून निघाला आणि इस्कॉन मंदिरात पोहोचला. पांढरी शेरवानी घातलेला आदित्य आणि पांढराच लेहंगा घातलेली श्वेता अत्यंत सुंदर दिसत होते. दोघांनी तिथे सप्तपदी पूर्ण केली. उदित नारायण आणि त्यांची पत्नी दीपा नारायण या दोघांनीही वरातीत मस्त डान्स केला.
कोरोनामुळे या लग्नाला कुटुंबातील जवळचेच लोक उपस्थित होते. पण रिसेप्शनला मात्र चित्रपट सृष्टीतील मोठ्या कलाकारांसह पंतप्रधान नरेंद्र मोदी यांनाही निमंत्रण देणार असल्याचे कळते.
