आता मणिपूरमध्ये सुरू झाला सत्ता गोंधळ…

नवी दिल्ली –  मणिपूरमधील भाजपच्या १२ आमदारांना अपात्र ठरवून त्यांच्यावर तातडीने कारवाई करण्यात यावी, परंतु कृत्रिम बहुमत मिळवून आणि ‘असंवैधानिक’ सरकार चालवून भाजप लोकशाहीचा विकृत खेळ करीत आहे, असा आरोप काँग्रेस नेते करीत आहेत. त्यामुळे आता मणिपूरमध्ये सत्तेवरून गोंधळ सुरू आहे.

    कॉंग्रेस नेते राहुल गांधी म्हणाले की, या १२ आमदारांवर कारवाई न करता भाजप जाणीवपूर्वक आणि असंवैधानिक विलंब घेत आहे. लाभाच्या पदाच्या दृष्टीने २०१८ मध्ये १२ आमदारांना अपात्र ठरविण्याची मागणी करण्यात आली होती, परंतु घटनात्मक अधिकारी निर्णय घेण्यास उशीर करत आहेत.  गांधी यांनी ट्विटमध्ये पुढे म्हटले आहे की, राज्यपालांनी भाजपाचे संरक्षण करणे पूर्णपणे घटनाबाह्य आहे.

      दरम्यान, कॉंग्रेसचे प्रवक्ते अभिषेक सिंघवी यांनी पत्रकार परिषदेत सांगितले की, २०१७ मध्ये १२ आमदारांना मणिपूरमध्ये संसदीय सचिव बनविण्यात आले होते, परंतु नंतर त्यांना नफ्याचे पद मिळाल्यामुळे त्यांना पक्षातून काढून टाकण्यात आले होते. त्यानंतर सप्टेंबर २०२० मध्ये मणिपूर उच्च न्यायालयाच्या निर्णयानंतरही आमदारांना अपात्र ठरविण्यात आले नाही.

राज्यपाल आणि निवडणूक आयोग या विषयावरील निर्णयाला उशीर करीत असल्याचा आरोप त्यांनी केला असून कॉंग्रेसला स्पष्ट बहुमत मिळाले, त्यामुळे मणिपूर मध्ये आम्हीच खरे सत्तेचे दावेदार आहोत, असा दावा त्यांनी केला आहे.