आजचे राशिभविष्य – शुक्रवार – १२ फेब्रुवारी २०२१
मेष – समस्यांचे अवलोकन करा
वृषभ – दानधर्म होईल
मिथुन – नो स्टॅम्पिंग प्लीज
कर्क – खर्चा आधी उत्पन्नाचा प्लॅन करा
सिंह – भावनिक परीक्षेचा काळ
कन्या – फायदा-तोटा पेक्षाही वेगळा विचार गरजेचा
तूळ – नव्या भावनिक पर्वाची सुरुवात
वृश्चिक – भावनिक आधाराची गरज
धनु – सामाजिक जबाबदारीचे भान आवश्यक
मकर – शब्दाला मान मिळेल
कुंभ – कायदेशीर कामात गती
मीन – अती भावनिकता तोट्याची
………..
शंकासमाधान
प्रश्न – पल्लवी – गणपती उत्सवात आम्हाला गौरी-महालक्ष्मी बसवण्याचे व्रत सुरु करायचे आहे. त्यासाठी काय करावे
उत्तर – गणपती उत्सवातील गौरी व्रत सुरु करण्याचे पूर्वापार काही नियम आहेत. मुख्यतः आपल्या परिचित कुणाकडून तरी गौरी व्रत आपल्याकडे घ्यावे लागते. बऱ्याच वेळा काही कुटुंबांमध्ये त्यांच्याकडील गौरी व्रत काही कारणाने पुढे सुरू ठेवणे शक्य नसते, अशा कुटुंबांकडून गौरी व्रत आपणास मिळू शकते किंवा काही कुटुंबांनी अकरा किंवा एकवीस वर्ष गौरी व्रताचा संकल्प केलेला असतो. त्यानंतर ते व्रत पुढे चालवण्यास आपण घेऊ शकतात. अशा कुटुंबांकडे आपण स्वतः जाऊन त्यांना विनंती करावी. त्यांची संमती असल्यास गौरी गणपती सणाच्या किमान सव्वा महिना अगोदर त्यांचेकडील गौरी मुखवटे आपल्या पदरात घ्यावे. हे व्रत गौरींच्या सर्व व्रतवैकल्यासह “मी पण अखंडपणे पुढे चालू ठेवेल “असा शब्द त्यांना द्यावा. त्यानंतर हे गौरी मुखवटे आपल्या घरी सन्मानपूर्वक आणावे.
घरात प्रवेश केल्यानंतर त्यांची यथासांग पूजा करावी. अनुक्रमे गहू व तांदूळ आणि त्यांची ओटी भरावी. त्यांच्या मुखवट्याला जर तीन वर्ष पूर्ण झालेले असतील तर आपण आपल्या पसंतीचे दुसरे मुखवटे घेऊ शकता. त्यांच्याकडील गौरीच्या साज-शृंगाराच्या सर्व वस्तू बदलून आपण नवीन घ्याव्यात, अशी पूर्वापार प्रथा आहे. परंतु एकदा पदरात घेतलेले गौरी व्रत आपणास जोपर्यंत मागणी करणारे दुसरे कुटुंब मिळत नाही तोपर्यंत अखंड करावे लागते, हे लक्षात असू द्यावे. यामध्ये सर्वात महत्वाचे म्हणजे गौरींना साडी नेसवण्याची कला त्वरित शिकून घ्यावी. कारण ऐनवेळी सणासुदीत मदतीला कुणी मिळेल ही शक्यता नसते. त्याचप्रमाणे गौरी जेवतात त्यादिवशी परिचित एखाद्या कुटुंबास जेवणाचे आमंत्रण अवश्य देऊन ठेवावे. गौरी बसवण्याचे तीन दिवसाचे सर्व नियम आधीच्या कुटुंबाकडून व्यवस्थित समजून घ्यावे. कुणाकडूनही न मिळता आपण स्वतः गौरी व्रत सुरू करू नये, असा शास्त्रार्थ आहे.
…….
आजचा राहू काळ
सकाळी साडे दहा ते बारा आहे.
