नाशिक – महाराष्ट्र राज्य परिवहन महामंडळाच्या सर्व एसटी बसेस लवकरात लवकर सुरू कराव्यात या मागणीसाठी वंचित बहुजन आघाडीच्या वतीने संपूर्ण राज्यभरात डफली बजाओ आंदोलन करण्यात आले. कोरोनाच्या पार्श्वभूमीवर करण्यात आलेले देशातील लॉकडाउन पूर्णपणे हटवावे आणि पूर्ववत जनजीवन सुरु व्हावे, अशी मागणी यावेळी करण्यात आली. एन डी पटेल रोडवरील एसटीच्या विभागीय कार्यालयामध्ये विभाग नियंत्रक नितिन मैंद यांना निवेदन देत वंचित बहुजन आघाडी च्या पदाधिकाऱ्यांनी एसटी कार्यालयाच्या प्रवेशद्वारासमोर डफली बचाव आंदोलन केले. यावेळी वामनराव गायकवाड, पवन पवार, बाळासाहेब शिंदे, दिपचंद दोंदे, अनिल आठवले आदींसह पदाधिकारी व कार्यकर्ते उपस्थित होते.
