नवी दिल्ली: मेक इन इंडिया मोहिमेवर प्रॉडक्शन बेस्ड प्रोत्साहन योजनेचा चांगला परिणाम होऊ लागला आहे. अमेरिकन स्मार्टफोन निर्माता अ‍ॅपल कंपनी देखील या योजनेचा एक भाग म्हणून भारतात आयपॅड तयार करण्याची तयारी करत आहे. विशेष म्हणजे कंपनीला आपला व्यवसाय चीनमधून हलवायचा असून सरकारकडून प्रोत्साहन घेण्याचा कंपनी विचार करीत आहे.
अ‍ॅपलच्या सूत्रांनी सांगितले की, स्मार्टफोन निर्यातीला चालना देण्यासाठी सुरू केलेल्या पीएलआय योजनेत भारत सरकारने सुमारे ५० हजार कोटी रुपयांची प्रोत्साहन घोषणा केली आहे. त्याचा अ‍ॅपललाही याचा फायदा घ्यायचा आहे आणि तो चीनमधील गुंतवणूक कमी करण्यासाठी सर्वात मोठा पुरवठा करणारा फॉक्सकॉनच्या माध्यमातून भारतात आयपॅड तयार करण्याची तयारी करत आहे. यासाठी प्रारंभिक गुंतवणूक २० हजार कोटींची असू शकते.
चीन आणि अमेरिका यांच्या कोविड -१९ साथीच्या आजारानंतर सुरू असलेल्या शीत युद्धामुळे कंपनीने आपले धोरण बदलले आहे. अ‍ॅपलचे बहुतेक आयपॅड्स सध्या चीनमध्ये तयार केले जातात, तर लॅपटॉप व्हिएतनाममध्ये तयार केले जातात. अ‍ॅपल २०१७ पासून भारतात आयफोन तयार करत आहे.
पीएलआय योजनेंतर्गत येत्या दोन महिन्यांत स्मार्टवॉच सारख्या उत्पादनांचा समावेश करण्याचा सरकार विचार करीत आहे. यासाठी ५ हजार कोटींचा प्रारंभिक निधी जारी केला जाऊ शकतो. सरकारने अ‍ॅपलला सांगितले आहे की, भारतात नॉन-चिनी कंपनीच्या सहकार्याने आयपॅड मॅन्युफॅक्चरिंग करता येणार असून अ‍ॅपलचे देशात फॉक्सकॉन, विस्ट्रोन आणि पेगाट्रॉन हे तीन भागीदार आहेत.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
