मुंबई – बॉलिवूडचे कपल अर्जुन कपूर आणि मलाईका अरोरा यांनी जेव्हापासून आपले नाते सार्वजनिक केले आहे, तेव्हापासून दोघे नेहमीच एकमेकांच्या सोबत एन्जोय करताना दिसून येतात. सध्या हे दोघे गोव्याला सुट्ट्यांचा आनंद घेताना दिसत आहेत.
सध्या ते अभिनेत्री अमृता अरोरा आणि तिचे पती शकील लदाख यांच्या आलिशान बंगल्यात एकमेकांसोबत वेळ घालवताना दिसत आहेत. अर्जुन आणि मलाईका यांनी आपापल्या इन्स्टाग्राम अकाऊन्टवरून अमृता अरोराच्या गोव्यातल्या बंगल्याचे फोटोस शेअर केले आहेत आणि ते खरोखरच पाहण्यालायक आहेत.
या पैकी सर्व छायाचित्रांमध्ये अर्जुन कपूर वेगवेगळ्या पोज देताना दिसतो आहे. त्याने आपले फोटो शेअर करताना लिहिले आहे की – ‘जेव्हा तुम्हाला परत जाण्याची इच्छाच होत नाही… अमृता आणि शकील तुम्ही काय सुंदर घर बांधले आहे! गोव्यात यापेक्षा चांगले हॉलिडे होम असणेच शक्य नाही!” अर्जुनच्या या फोटोजवर मलाईका आणि अमृता दोघांनीही कॉमेंटस केल्या आहेत. याशिवाय मलाईका ने आपल्या इंस्टाग्राम स्टोरी वर काही व्हिडीओज शेअर केले आहेत ज्यात ती स्वीमिंग पूल मध्ये उतरताना दिसते आहे.
