येवला – येवला येथे मुऱ्हा जातीची किशोर परदेशी यांच्याकडे असलेली एक म्हैस चक्क २ लाख ५१ हजारांना विकली गेली आहे. विशेष म्हणजे येवला तालुक्यातीलच पारेगाव येथील शेतकरी सुनील गवळी यांनी ही म्हैस २ लाख ५१ हजार रुपयांना विकत घेतली आहे. ही म्हैस एकावेळी १८ लिटर दूध देते.
साधारणपणे एका म्हशींची किंमत ५० हजार ते १ लाखापर्यंत असते. मात्र या म्हशीला सर्वाधिक किंमत मिळाली आहे. त्यामागची कारणे ही तशीच आहे ही म्हैस उंच, तडफदार, डौलदार, रुबाबदार शिंगे असलेली देखणी आहे. त्यामुळे शेतकरी सुनील गवळी देखील ही म्हैस घेतांना आनंदी दिसले. विशेष म्हणजे ही म्हैस अडीच लाखाला विकल्या गेल्यामुळे येथील नागरिकांसाठी हा कुतूहलाचा विषय ठरला आहे. त्यामुळे ही म्हैस पाहण्यासाठी नागरिक आता गवळीच्या घरी गर्दी करत आहेत.
