दिंडोरी : तालुक्यातील वलखेड शिवारातील अंकित ट्रॅक्टर शोरूम येथून नवीन ट्रॅक्टर चोरी गेला असून अज्ञात इसमाविरोधात दिंडोरी पोलीस ठाण्यात चोरीचा गुन्हा दाखल करण्यात आला आहे ११ मार्च रोजी पहाटेच्या सुमारास पाच लाख किमतीचा महिंद्रा सरपंच नवीन ट्रॅक्टर अज्ञात इसमाने अंकित ट्रॅक्टर शोरूम मधून चोरून नेला याबाबत कैलास गुप्ता यांनी दिंडोरी पोलीस ठाण्यात तक्रार दिली आहे. पोलीस निरीक्षक अनिलकुमार बोरसे यांचे मार्गदर्शनाखाली पोलीस उपनिरीक्षक कल्पेशकुमार चव्हाण अधिक तपास करत आहे. दरम्यान शोरूम मधून बिगर पासिंग नवीन ट्रॅक्टर चोरीला गेल्याने खळबळ उडाली आहे.
