अयोध्येत मशिदच्या बांधकामाला वेग; नऊ सदस्यांचा ट्रस्ट स्थापन

अयोध्या – राममंदिराचा प्रश्न मार्गी लागताच आता मशिदच्या बांधकामालाही वेग आला आहे. लखनऊ-गोरखपूर महामार्गावरील धन्नीपूर गावात उत्तर प्रदेश सरकारने पाच एकर जागा सुन्नी सेंट्रल बोर्डाला उपलब्ध करुन दिली आहे.   या जागेत मशिद उभारणीच्या कामाला गती मिळाली आहे. सुन्नी सेंट्रल बोर्डातर्फे मशिदच्या बांधकामासाठी नऊ सदस्यांचे ट्रस्ट स्थापन करण्यात आले आहे. यास ‘इंडो-इस्लामिक कल्चरल फाउंडेशन ट्रस्ट’ असे नाव देण्यात आले आहे.

मंडळाने स्थापन केलेल्या इंडो-इस्लामिक सांस्कृतिक फाऊंडेशनने मशिदच्या बांधकामासाठी आर्थिक सहकार्यासाठी मार्गदर्शक तत्त्वे निश्चित केली आहेत.  ‘वाजवी पैशांनीच मशिदची निर्मिती केली जाऊ शकते, केवळ मशिदसाठी पवित्र पसा जमा होईल. व्याज, मद्यपान, होर्डिंग्ज आणि देशाच्या कायद्यांविरूद्ध मिळवलेली रक्कम मशिदसाठी लादली जाणार नाही, असे मत ट्रस्टचे सेक्रेटरी आणि प्रवक्ते अथार हुसेन यांनी व्यक्त केले आहे.

धन्नीपुरात असणाऱ्या पाच एकर जागेवर बांधकाम करण्यासाठी दोन बँक खाती उघडण्यात आल्याची माहिती हुसेन यांनी दिली. दोन बँक खाती उघडण्याचा उद्देश मशिदच्या बांधकामासाठी आणि रुग्णालय, ग्रंथालय, कम्युनिटी किचनसह संशोधन केंद्रासाठी स्वतंत्र निधी जमा करणे असल्याचे ते म्हणाले. ट्रस्टची वेबसाईट व संबंधित पोर्टल लवकरच तयार होणार असून त्यावर सर्व माहिती उपलब्ध होणार आहे. एकीकडे राममंदिराच्या भूमीपूजनाचा सोहळा पार पडत असतांना दुसरीकडे कोर्टाच्या आदेशाचे पालन करत देण्यात आलेल्या जागेत मशिदच्या कामाला सुरुवात झाल्याचे दिसत आहे.